Одржана третата обука против говор на омраза на Интернет

На 27 февруари, 2014 година во просториите на ГЕМ клубот во Скопје се одржа  обуката на тема „Борба против говор на омраза на Интернет“ на која присуствуваа  8 учесници. Оваа обука е трета од циклусот обуки на оваа тема кои ќе се реализираат во текот на годината.

Професорката Мирјана Најчевска го водеше првиот дел од обуката каде зборуваше за препознавање и спротивставување на говорот на омраза. Потоа следеше запознавање со механизмите за пријавување на говор на омраза на социјалните мрежи, како и практична вежба чија цел беше зајакнување на презентациските вештини на учесниците.

Обуката за борба против говор на омраза на Интернет е дел од иницијативата против говор на омраза која е покрената од МОФ, Метаморфозис, Реактор и Центар за нови медиуми.

Останатите активности од Иницијативата против говор на омраза на интернет, како и други ресурси може да се проверат на веб-локацијата www.nemrazi.mk.